Island Shangri-La Weekend

2012年9月1日星期六
91, 並非風災, 乃是我富貴病的養病序幕.  最近同香格理拉續咗會, 獲贈房間一晚連自助早餐. 有好嘢, 叫埋呀姊來分享.可惜佢D節目多多, 夜來早走. 房間在於50樓, 全山景, 網上查得如果要付款的話,最少要HK$4,100.

除了房間, 我亦有$500 食券, 不過酒店的食物又貴又難食, 見過鬼都怕黑, 所以到樓下太古二期的北京樓去吃.  最近因為皮膚病, 醫生建議不吃粥粉面飯, 只吃肉和蔬果, 以下是我的<太古飲食>紀錄.

鎮江肴肉

醉雞

成90元好似太貴!

酸辣湯65元一位, 都咪話吾貴

高湯茶樹菇小豆苗, 可口健康.

第二朝, 呀姊滾水淥腳的0700趕去吃早餐,

相比我悠然自得的食了成個鐘頭, 我就嘆得多.

看看我的<太古飲食>自助餐單

火腿磨菇奄列

芽菜, 小白菜, 豆卜, 冬菇, 肉丸, 上湯, 獨欠粉面.

燴水果, 有趣有益和健康, 右邊茘枝般大的其實是一個梨.

恕我見識少, 未見過咁細個梨.

食完早餐, 去附近香港公園晨運.  忽見拍照友雲集,

跟他們的視線拍得紅青蜒一隻.

香港公園的青蜒很多, 不過要拍得好並不容易,

尤其是用豆泥數碼相機.  這兩張已經算吾錯.

影完青蜒再去觀鳥, 但今天運氣差, 只拍到一隻雀仔.

其實點解要91去香格理拉渡週末.  事由富貴病發作, 每天癢得要命, 醫生懷疑家中有菌, 建議離家暫住, 所以去酒店除了渡週末, 其實是養病.  家中除了增添抽濕機外,還要一入門就開冷氣機, 而且仲要離家住酒店, 你話個病夠吾夠富貴?  由酒店check out, 怱怱回家收拾, 又要去 V Hotel check in, 不過今回要自費, 且待下回分解.

Japanese Buffet and Tooth Ache

2012 年7月22日星期日, 灣仔金田日式放題 $158 加一

世事從來有得也有失.  且聽我今天獨自去吃自助餐的故事. 

這幾年我的食量不大, 經常一天只吃一餐, 因何今天自己一人去大吃一頓?  事情是這樣的.

牙痛慘過大病

自去年底百病纏身, 今年2月加劇, 自5月初每天半條人命的上班, 到5月底已為物理治療收效, 可以重新做人, 豈料5月28日吃了涼粉起禍, 牙痛得要命, 至6月3日星期日, 痛得要跳樓, 幸有牙醫肯於星期日為我急救, 經過度牙根, 做牙模....等等漫長和痛苦的工序, 至昨天(7月21日), 終於大功告成.  可惜我又在6月19日被公司炒了魷魚, 己為可以從新做人, 又慘受多一層打擊.  莫非是天將降大業於斯人?

有酒今朝醉, 實行食完至算.  或許明天會有運行, 有誰知曉?

上星期戴臨時牙模, 整整7天沒吃過固體食物, 肚子餓得很, 今天如放監一樣, 去大吃一頓也.

你咪話人冇運行, 我不用等明天, 今天先行了一個好運, 食了一餐安樂茶飯. 人說平安二字值千金, 對我來說安樂茶飯這四個字同樣值千金.

盤據半間餐廳
你看這偌大的半間餐廳只得我一人, 淨係冇人騷擾已經值一百分, 連知客/服務員都有尊人侍候.  而且環境幽雅, 我坐的是corner table, 坐得舒服, 吃也吃得舒服.

至於食物方面, 因為大病初愈, 所以都以簡單為主, 我曾光顧過這間餐廳, 所以知道食物水準好.  魚生是我的至愛. 在牙痛期間, 不知多少餐是以三文魚為生的.

冷盤方面, 還有冷面, 青瓜沙律和壽司

熱盤方面, 炸鷄, 鯖魚, 牛利, 天婦羅都是我的至愛.

牛利都有好幾種, 我吃了三款, 上面是串燒, 這款是水煮, 下面還有胡麻, 照我吃來, 是胡麻的最好.

在大吃大喝大之餘, 還要加些纖維素, 看我有粟米和炒雜菜, 前菜又有青瓜, 雖然份量不算多, 聊勝於無.  下圖最上方者便是胡麻牛利, 亦有日式炒飯, 薄燒牛肉也很好吃.

各位, 我是環保支持者, 別看我骨瘦如柴, 以上食物全都被我一掃而空, 並無餘剩. 且看餐單如下, 只有魚生未有在錄. 

註: 日式放題有一個缺點/通病, 就是不能百份百全對, 比如今天吞拿魚腩手卷和櫻花尤魚壽司沒有送來,而其他幾款壽司則每款多來了一件. 但我吃得飽飽, 也吃得開心, 所以沒有追究.

Dragon Boat Birthdays Dinner 2012

6月24日星期日寶湖金宴

今年端午節(23/6)適逢我家三少,四少和六小姐的生日, 聚餐之同時, 一起賀生日. 呀姊有位朋友開酒樓, 特為我們設了一間大房, 真的吾錯, 還打了麻雀, 又有kara-oke, 為我們送上生日歌.

16個大人加一個BB, 澤仔因事未克出席. 一圍枱熱熱鬧鬧, 這碟帶子多士真的很好吃, 好耐無食過咁脆卜卜香噴噴的多士.

別以為是鮑魚,其實是鮑魚菇. 大大碟夠哂睇頭.

鴛鴦米炒飯夠哂健康.

這一餐是在灣仔稻香, 是三少正日, 由三少作東, 另加兩位壽星和呀姊. 嘩有原隻鮑魚.  今次是真的, 並非-菇-

這個由香格理拉布效的生日蛋糕, 名為 Pear Charlotte, 請勿誤會這三個數字是歲數, 其實我們是在6月的這些日子生日.  恕我對西洋文化不大清楚, 要上網查才知道Charlotte者, 是冷熱俱可吃的甜品.

個梨藏在個牌下面, 做得可愛兼可口, ladies fingers 裏面都有梨, 算係一個較新口味的甜品.

壽星三人組, 27, 25, 22 - 品字型.

桃包是稻香送的, 另一酒樓也有送, 但照片太多, 不能盡錄.

Ocean Park Birthday Tour 2012

2012年6月25日星期一

2012年，我生日之前一個禮拜失咗業，乘機享用吓本港居民的權利，免費去海洋公園玩。我家姐剛好65，都係免費，兩姊妹齊齊去也。你睇吓個壽星女，雖然病咗兩個月，但係電番個髮，執番正個 look，都似番個人啩！

你話個壽星女似吾似56歲？

56歲失業都幾麻煩，但係偷得浮生，玩完至算。

海洋公園 35歲，即是我 21歲那年開幕。時為1977年也。

香港老大街，嘩個瘦骨仙拉車，但係家姐好似坐得好自在。

凸眼金魚，很可愛。

水母千變萬化，品種又多，來回睇咗兩次，真係好好睇。

雀仔 show，鸚鵡顏色吾錯，又肯和遊人拍照。

吾好已為大熊貓名氣大就會好睇，其實不然。佢地成日瞓覺，好彩就見到佢地瞓覺，吾好彩就只見吉籠一個，但係小熊貓就吾同講法，佢地活潑好動，和訓練員合拍，非常可愛。

係時候睇吓動畫啦，凸眼金魚和水母真係好得意。

Macau 30 Years Anniversary

2012 的復活節對我來說有特別意義 - 是我到澳門謀生的30週年紀念。此行先從飲飲食食講起。

想去星際再食樟茶鴨，但冇位，改去賭場食快餐。梅菜扣肉飯$55加一，有茶有湯，都算吾錯。

去金沙玩完，再去新賈梅士食葡國餐，薯蓉青菜湯，是必然之選。

焗鴨飯雖然吾錯，但可以再好吃Ｄ。

馬介休炒椰菜，有骨，要小心。

我真係幾喜歡這間餐廳，好有莆國feel。

裏裏外外都影吓，我件T恤係新老闆送的。

木偶新店重開，第一次光顧。焗青口，幾好，熱辣辣

炭燒豬肋骨，整體都算過得去。至於是否名大於質，就見仁見智。

木糠布甸$28雖然貴，勝在想食，又吾需坐街邊食, 不過吾夠滑。

好耐冇影過大三巴，影番張風景相先。再去行大炮台。

舊地重遊，你知我點解喺大炮台影這個post？因為懷舊，不過比較吓30年前果張，都吾係幾似。

大炮台舊照，時為約82/83年。去澳門做嘢，放假仲返去玩。

2012年的蘭克斯樂已變身為雪糕店有十幾年之久。

當年店內，我就是在這裏賣影印機的，早去晚返。猶記當年復活節過後，有一晚放工同呀媽講第二天要去澳門返工，呀媽已為我去一天，點知一去兩年。

十年人事幾翻新，我的前顧主於2001年臨危破產邊沿，後久延殘喘，易名為富士斯樂，可惜現在所有的零售店都已關門。

這些都是我的懷舊照.

海嘯前夕

Hong Kong Outing - Macau 30 Years