Sunday, September 11, 2016

中秋聚餐2016

今年因為各種原因, 中秋聚餐提早, 8月28日, 農曆計尚未進入八月, 出席的連小童只16人, 去星記訂了一席大枱, 全部人坐一圍好開心. 

是晚主角為海鮮.  

上湯焗海中蝦

大海班(花鬼)兩味, 先上炒球.

再來頭腩, D魚皮好滑, 但要小心骨頭
條魚足有5斤重, 甚有睇頭, 大家都話正式海魚, 好好味.
杏汁豬肺花膠湯, 好香, D湯料成坐山仔咁, 我拿了一部份回家, 再煲了兩次仍然好好味, 餘下的瘦肉煲皮蛋瘦肉粥.

咕嚕肉看似普通, 但好好食. 是菜館的招菜.

蓮藕炆腩仔, 好家常,但好好味, 因為自己點菜, 才有得食, 一般餐單都不會有.


做節冇番隻鷄點得? 煎咸鷄, 是餐館的招牌菜, 基乎每枱都叫, 吾蒸吾炸,這隻鷄算新款.

珍菌豆付, 也是招牌菜,限量發售, 如非預訂, 好難有得食. 我初次食已經拍爛手掌.


梅菜肉鬆蒸菜心, 店長推介, 比起日常餐單的蔬菜來得清新, 而且健康.


灣仔星記海鮮飯店
每位科款$200, 餘款及海鮮由呀妹讚助.