Sunday, September 23, 2012

V Wanchai

V Wanchai - Sept 2-9, 2012
繼續講吓我個富貴病。 因為吾敢返屋企, 去香格理拉過咗一晚, 又自費去灣仔新開的V Wanchai去養病。這間酒店9月1號軟開幕,我9月2號來check in,點解我咁知聲?有幾個原因,Sales 來我公司推銷,適逢我需要避難所,二來近屋企,三來價錢尚可接受,成千二蚊一夜,其實都幾貴(當然對我來說),但係酒店全新,間房保証全新,對我這個要養病的人來說最好不過。
 
酒店室內設計頗有品味。你睇成個大堂都係算盤。
 
 
酒店大堂設在三樓,每天提供輕便早餐,亦可以把果汁拿走,晚上回來又有水果供應。

點解D相影成黑沈沈?我故意揀這兩張的。因為最近D皮膚吾好,多咗好多皺紋,黑黑地睇吾真最好。


Lobby,勝在人夠少,服務夠親切,出入都有人叫我袁小姐。


Interior,兩樽貴價深層海水,連尊貴 L'Occitane沐浴用品,再加上早餐,水果,飲品,每天都算有番幾十蚊回贈。


Lookout,望吓出便的景色,因為房間夠高,同昨天香格理拉的不遑多樣。點解又平又靚?因為新開,我係一手人客,Sales又想我公司多多幫襯,所以都算連番優惠。



之後重有一盒月餅送,聽講不久有正式開幕酒會我都在被邀之列。這是後話。總知一句,富貴病雖然有得醫,但係醫藥費好貴。結算如下:
兩次 Blue Cross: 公司包
專科 OTandP: $1,964
抽濕機:$1,752
香格理拉:FOC,但係晚飯北京樓自費($250)
VWanchai: $1,200x7 = $9,240
Total: $13,206

其實何謂富貴病? 為免產生恐慌, 把圖片較到最細. 以下是我的腿,腰和面. 成身都係一粒粒, 大小不一, 好似隻梅花鹿咁, 痕得要命, 十個夏天,有七八個如是, 今年連塊面都失守, 問你驚吾驚?
出院後(酒店當醫院), 9號check out 回家, 每天勁開抽濕機和冷氣機, 太平了一陣子, 不知怎的, 到23號又出了一粒. 唉, 可憐!

Sunday, September 2, 2012

Island Shangri-La Weekend

2012年9月1日星期六
91, 並非風災, 乃是我富貴病的養病序幕.  最近同香格理拉續咗會, 獲贈房間一晚連自助早餐. 有好嘢, 叫埋呀姊來分享.可惜佢D節目多多, 夜來早走. 房間在於50樓, 全山景, 網上查得如果要付款的話,最少要HK$4,100.


除了房間, 我亦有$500 食券, 不過酒店的食物又貴又難食, 見過鬼都怕黑, 所以到樓下太古二期的北京樓去吃.  最近因為皮膚病, 醫生建議不吃粥粉面飯, 只吃肉和蔬果, 以下是我的<太古飲食>紀錄.

鎮江肴肉
醉雞
成90元好似太貴!
酸辣湯65元一位, 都咪話吾貴
高湯茶樹菇小豆苗, 可口健康.
第二朝, 呀姊滾水淥腳的0700趕去吃早餐,
相比我悠然自得的食了成個鐘頭, 我就嘆得多.
看看我的<太古飲食>自助餐單
火腿磨菇奄列
芽菜, 小白菜, 豆卜, 冬菇, 肉丸, 上湯, 獨欠粉面.
燴水果, 有趣有益和健康, 右邊茘枝般大的其實是一個梨.
恕我見識少, 未見過咁細個梨.
食完早餐, 去附近香港公園晨運.  忽見拍照友雲集,
跟他們的視線拍得紅青蜒一隻.
香港公園的青蜒很多, 不過要拍得好並不容易,
尤其是用豆泥數碼相機.  這兩張已經算吾錯.
影完青蜒再去觀鳥, 但今天運氣差, 只拍到一隻雀仔.
其實點解要91去香格理拉渡週末.  事由富貴病發作, 每天癢得要命, 醫生懷疑家中有菌, 建議離家暫住, 所以去酒店除了渡週末, 其實是養病.  家中除了增添抽濕機外,還要一入門就開冷氣機, 而且仲要離家住酒店, 你話個病夠吾夠富貴?  由酒店check out, 怱怱回家收拾, 又要去 V Hotel check in, 不過今回要自費, 且待下回分解.