Saturday, December 29, 2012

Macau Christmas 2012

2012年12月25-26日
聖誕去澳門,住金龍酒店,第一天是聖誕節正日,一切順利。仲係金龍酒店的西餐廳吃了一頓頗滿意的午餐。看我所飲的竟然是上等西冷紅茶。我之前一晚沖了鍚蘭同事送給我的正中西冷紅茶,所以認得味道。睇我食得幾開心?

換換口味,不再喝薯蓉青菜湯,白菌湯都很好味。
 
不彈此調久矣!我中學畢業之後都好耐冇食過咁好食的蝦多士。認真懷舊好味,香噴噴熱辣辣,脆卜卜,好食得很。

可惡的是沒有馬介休,改食凱撒沙律,雖然菜的品種較少,但總算新鮮。亦可均衡飲食。
這一個焗葡國雞跟白飯也很好,起碼沒有揾笨,有幾舊雞肉食,味道都很好,整體來說不算貴。

晚餐去中區的佛笑樓,價錢貴得要命,這幾道菜埋單要接近400元!吾怪得人地滿座,這裏都有位。

洋葱湯要58元一客,你話貴吾貴?
燒沙甸魚要125元三條。嘩,我就話好貴。食吾出同其他幾十元一碟的有何分別。

牛脷幾清新,沒有太多下欄,但係要120元就好似好貴。因為想食,冇辦法!
食完晚飯仲去隔離食姜汁撞奶,想吃的東西都吃了,美中不足的是賭場沒有收獲。

酒店在漁人碼頭對面,去走走逛逛,拍照留念。
 
好景不常,睡到半夜,肚子開始吾妥當,嘔心和頭痛,第二天早上要磨到中午過後才免強出法。只得呀姊一人去吃早餐。我的一份放棄了。中午無法再去吃心愛的葡國餐,只好到白鴿票去吃白粥,呀姊吃海南雞飯。今個行程病了一天,賭場又失利,猶幸之前一天尚算順利。

Christmas 2012

2012年12月23日星期日
又到聖誕節, 又係家人團聚的時候.  適逢星期日, 應邀下午先去聽YOYO講耶穌, 然後再到家中集合.  雖然只屬撐場, 但係事後要 ONE ON ONE 聽耶穌都吾係幾棧.

到咗大食會時間, 火雞當然是主角, 可惜未切之前冇拍照留念.

 
魚生壽司是澤仔的至愛. 的確色香味齊.

去APM 吉之島買, 雖然平, 都買咗幾百蚊.  我點知?  因為澤仔倍我去聽耶穌, 我倍佢去買嘢食.
KAREN 買的三文魚也是大家的至愛.  平靚正, 不用多說.

也有pharma ham伴芝士和蜜瓜,都幾西化,可惜沒有平碟可以慢慢包起來,制作較為粗枝大葉。
其實除了蜜瓜之外,我們還有很多水果。波羅,火龍果,蘋果,雪梨都有。至於我們買的巨芒則無法再吃。
二嫂煮的糯米飯很香,用料十足。亦有很多捧場客。我有備而來,食完兼夾叻。火鷄/糯米飯一概不客氣。
開飯之前當然要先影番張全家福。吾知點解梓豐要扮鬼臉。

Thursday, December 6, 2012

Korea 2012

韓國紅葉之旅 2012年11月15-19日雖然話紅, 其實有很多顏色, 但是當然以紅為主. 可是比起想像中漫山遍野的紅則相去甚遠.
 
姊妹精選
佛國寺是第一站, 以為陸續有來, 原來最紅就在這裏.
 
呀妹精選
佛國寺
 內藏山
 雖然樹上吾夠紅, 可是樹也紅, 地也紅, 倒也有趣.

 雖然吾算好紅, 總算有很多顏色可供拍照.
 青瓦台
我好喜歡這幅相. 有各種顏色, 有風景亦有韓國建築,人又清楚, 整體感覺很好.
呀姊精選
這幾幅是我代選的.人靚景靚. 其實吾容易揀.
全部都是內藏山. 至於大芚山, 上高落低, 全無收穫. 雖然山上風景吾錯, 可惜顏色全無.
內藏山則不然, 雖然未至於漫山遍野的紅, 可是紅橙黃綠各種顏色都有, 拍起照來亦很美觀.

Monday, December 3, 2012

Korea Red Leaves and Red Trees

韓國的紅葉紅樹很多, 但比起想像中漫山皆紅則相去甚遠.  可是比起以往的經驗, 已經算是收穫最豐的一次.
 
這一堆紅葉似吾似聖誕節?  是在佛國寺攝得.
 

我很喜歡這一幅, 是在往內藏山途中攝得.
落英繽紛, 在於大芚山腳. 山頂卻無半點紅!
此乃最後一站南山公園.  我很喜歡這一幅, 葉子形狀清晰, 顔色豐富, 可供仔細玩味.
至於紅樹方面, 亦有各種不同級別的紅.
鮮紅和深紅, 是在青瓦台拍得.  青瓦台不在行程之內, 是導遊送的, 乃意外收穫.

延世大學有所謂紅葉大道, 但我們來遲了, 若在兩星期前, 紅樹會更多.  這兩棵不但姿勢好, 而且紅得好靚.
深紅以至紫紅都有.  往南山公園途中猶其是紅樹滿路, 可惜未能落車拍照.  除了紅樹之外, 也有鮮黃色的白果樹, 揮映之下, 整個城市七彩繽紛, 美輪美奐.

Sunday, December 2, 2012

Korea Food

來到韓國稱吾上有好的食物. 最好的是自費的兩碗面.  第一天的光復洞逛街吃的义燒湯面, 7000 WON, 熱辣辣, 味道很好, 亦很健康, 因為义燒只有風吹得起的一片, 其餘都是蔬菜, 韓國人吃什麼都付加泡菜.

有一天在food court 自由行, 要自費晚餐.  韓文看不通, 講不明, 如何落單? 有辦法, 把樣板食物拍照, 然後向收銀員示意, 馬上有天婦羅烏冬食.
不過樣板的兩隻天婦羅是肥肥的, 我們吃的是瘦瘦, 嚴格來說是貨不對板.
可是姊妹倆胡裏胡塗的攪掂有得食, 都食得好開心.  看看都吾似係人山人海, 人聲糟雜的 food court.
散團之前的最後午餐人蔘雞湯算是全團最似樣的了.  雞肚內有糯米飯, 雞湯亦滾熱辣幾好味.
以下飯餐算是免強可以收貨, 其實吾算好好.  薯仔豬骨煲, 你都想吾到咁既東西都可以上枱款客.  粗嘢, 不過天寒地凍, 總算有熱嘢食, 雖然係豬骨, 都算有肉到肚. 
這一餐韓式濕燒, 都係基於同一原因收貨.  不過食飯要剝鞋應真吾習慣, 亦吾方便.
這一餐都吾知點講, 總之數過有20碟泡菜, 加幾煲仔湯和白飯便是一餐. 好在泡菜和白飯都可以加, 但係好似食極都吾飽.
至於這一餐全州拌飯就更離譜, 凍冰冰的泡菜拌熱飯, 我寧願吾拌, 凍有凍食, 尚有兩口熱飯到肚, 最後連泡菜都吾夠, 險些要食白飯, 連我這個雀仔肚的人都食吾飽, 可憐!
通常去完旅行回港都要節食幾天, 但是今次韓國之行則不然, 回港之後, 肚子瘦得很, 難怪, 韓國人的食物以素菜為主, 減肥是好辦法.

Korea Junk Food

韓國的Junk Food
 
來到韓國冇餐好食. 若以junk food 論, 首推這份酒店早餐.  連香港快餐的水準都不如. 凍冰冰的炒蛋,火腿和蕃茄, 硬死XX的薯條. 好在仲有幾塊多士可以入口. 咖啡, 恐怖得可以. 加完奶之後成杯白色, 不知所謂, 連 coffee spoon都係公用. 嘩, 咁都得?!!
 

至於的午餐則首推這份琉璜鴨.  什麼的琉璜鴨? 不知所謂, 鴨皮就有, 且看圖二便可為証. 加幾條冷面和泡菜便是一餐. 各位, 冷面當真是冷的. 莫以為韓國天氣冷人們便吃熱東西. 錯, 其實有很多東西都是冷食的. 冷面其一, 泡菜是其二, 韓式拌飯是其三.

餃子火窩, 有團友稱之為千年餃子. 一點不差. 客氣的說是<軟林林>, 實在的說是<霉XX>.
所以如果有人說韓國美食團, 千其吾好信.