Saturday, December 10, 2011

Lamma Island Seafood Holiday

南丫島海鮮自由行 - 12月2日星期五
好耐冇去過南丫島食海鮮, 襯住十一二月天氣宜人, 兩姐妹去南丫島遠足兼食海鮮. 照往日行程, 榕樹灣入, 索罟灣出, 照舊在森記吃海鮮.  之所以鍾意去南丫島, 是因為該處的酒家一般環境幾好, 睇吓你就知.  在中環4號碼頭出發,船費都幾貴,16.8和19.1,來回要三十多元船費。


椒盬瀨尿蝦, 吾知點解咁快. 點完菜冇兩分鐘就上枱.  食瀨尿蝦要出手食至夠味, 全無 table manner. $160

蒜蓉粉絲蒸扇貝, 看起來好清淡, 好在吃起來尚算好味. $25 一隻.

清蒸黃立倉, 可惜呀姊話係養魚, 吾夠好味. $160

幾款海鮮吾夠頂肚, 又吾肯送海鮮湯, 只好自費揚洲炒飯. $45.  不過看起來冇上之果碟咁好睇.

A La Carte 勝在鍾意食果樣點果樣, 但係set menu 亦有好處, 以這個2/3 人餐為例, 只雖$468, 免加一, 比我們的自選菜式還多了白灼海生蝦和清炒時蔬, 而費用方面只多了53元, 亦為上選.

店主說不論自選或預設餐單, 海鮮貨色都是一樣, 無怪有很多<老外>都喜歡叫 SET MENU,簡單快捷。但自選則多一番趣味,各適其式。 
Hong Kong Outing - Lamma Island Seafood

Saturday, December 3, 2011

Macau 1111

今次去澳門適逢2011年11月, 竟然在新麗華住上1111號房. 信不信由你, 但卻有圖為証.  是豪華房, 可惜冇好夢發.  費用$1472 連早餐雙人來回船票全包.  11月29日放工後去搭船. 一上船就去星際酒店食樟茶鴨.


第二天在新麗華吃自助早餐, 話說這裏的早餐是眾澳門酒店早餐中最可以入口的,  其他的都不知所為.  去同老虎比拼是指定動作.  ANNA被老虎打敗, 在賭場失利, 她的姐姐卻在最後一刻翻本.  賭博就是這樣的了. 

吃完下午茶豬排飽, 為時尚早, 去龍環葡韻逛逛, 天氣清涼又不冷, 幾舒服.  對面是新豪天地和威尼斯人.


回到市區, 尚未夠鐘回程, 到大三巴走走, 沿路讓人試食的杏仁餅, 花生糖, 牛肉乾等等, 應有盡有, 任食吾嬲.


大三巴腳下竟有三輪車免費供遊人拍照, 當然吾放過.  原來三輪車亦有工作時間, 10月至12 月每天1030-1330 和1430-1630.  回顧我們拍照的時間為下午四時12分, 剛好在三輪車下班之前.


其他行程包括文化中心和藝術博物館, 都在金沙附近.  看了一個故宮的攝影展等等.  至於懷舊, 今次免了, 因最近9月才懷了一次.

Hong Kong Outing - Macau 1111

Friday, December 2, 2011

Macau Luxury Dinner

2011 年11月29-30日
今次去澳門, 可謂有運有不運.  一落船, 去五星級星際酒店食個樟茶鴨.  蘇浙匯, 你睇環境吾錯, 有個半開放私人客廂.

前菜, 南瓜火腿等20大元, 不算太貴, 而且幾好食.
醉雞, 我都未見過呀姊一路食一路叫好食, 看來都真係幾好食.  我地連汁都吾放過. MOP66

樟茶鴨 - 我的至愛出場了, 不用去北京, 來到澳門有意外收獲, 不過半隻好似吾係幾夠稱. 但係好好食. 可惜碼頭資訊失誤, 半隻40元看來都已經平得不能入信, 現場菜牌寫78元半隻, 但結賬55元, 有著數當然靜靜雞吾出聲.


好似食北京填鴨一樣有面包, 熱辣辣又鬆軟, 水準一流.

雞汁鮑靈菇時蔬 - 都算我地均衡飲食, 這碟雖然係齋, 因為有雞汁, 都幾好食. MOP52

楊洲燴面 - 看來無特色, 勝在夠清淡, 一定填飽肚.  MOP42

此行第一餐就食得好滿意,  4 個菜色合共MOP285, 在五星級酒店用膳, 計起來並吾算貴,

在新麗華過夜, 早餐自助吃得飽飽, 放棄午餐, 改飲下午茶, 吾知係吾係影相影到傻咗, 竟然叫個豬排飽準備, 實行當佢係人.


好景不常, 去到小飛象食晚飯, 情況就吾係咁理想.  可能因為肚子不餓, 又想吃莆國餐, 但是點菜點得過量.  沙甸魚14元一條, 不過不失.

澳門D面包一般都熱辣辣, 非常可口.  算係全餐最好的一度菜.  吾知點解, 冇叫湯都有包送.

這碟燴椰菜開始不對勁, 但免強尚可收貨.

這碟海鮮焗飯, 都米話吾肉酸.  D蝦吾新鮮, 成碟都係魷魚, 濕立立, 黑嗎嗎, 而且肚子已經超額, 食到半路棄權, 只有呀姊繼續. 有點兒貼錢買難受之感.

Macau 1111 - Dining Experience

Sunday, November 20, 2011

大三元變小三元

麻雀枱上好耐冇代表作, 今天險些食出大三元.  其實我係第一次叫大三元, 可惜食吾出, 只食出小三元, 但係自摸亦係雙辣.


小三元已是四番滿糊, 對對糊三番, 加上自摸二筒, 合共八番, 每位盛惠$64.

Saturday, September 10, 2011

Macau 1983 - In Memory Ellen

去澳門過中秋, 食好嘢兼懷舊, 但係選9月8-9號有另一層意義, 就係紀念巨風愛倫訪港, 被困澳門28週年.  十年人事幾翻身, 早幾年我間舊舖已經消失, Rank Xerox 變身為Haagen-dazs雪糕店. 有人問, 如果間樓折咗,咁點算.... well, 到地盤拍照, 一樣可以懷舊.

當年被困只有27歲, 轉眼28年, 我亦由sales 改行做秘書, 做薦人館都做咗十幾年.

兩姊妹去金沙都有贏錢, 一於去隔離漁人碼頭的新賈梅士餐廳食葡國餐.

好耐冇在澳門贏錢,雖然雞碎咁多, 都夠食番餐和支付旅費.
 去京都酒店落腳, 勝在市中心, 到處行路可到, 慳番好多車錢.
新馬路有好多中秋節燈飾, 背景是大西洋銀行.

非洲雞, 就係我當年充飢的飯盒, 今天在漁人碼頭吃, 專貴得多, 不過看起來吾係幾夠半隻, 而且是乾身的, 與吃開的大不相同.


馬介休炒耶菜, 大大舊魚肉, 口感吾錯, 而且好好味.
薯蓉青菜湯, 叫兩碟, 來了一碟, 後來又來多一碟, 但收費收一碟, 哈哈! 又贏錢, 又有好嘢食, 又平, 好嘢!


以下是福隆菜譜
木糠布甸, 是送的. 又多送一張咭, 下次可以一人一份.

燒沙甸魚, 一大兩細, 點攪? MOP63

焗鴨飯. 食過好多間, 都係福隆的最好味.


面頭仲有幾粒葡國臘腸
焗青口

Hong Kong Outing - Macau

Friday, August 26, 2011

Birthday Party

又到咗三嫂的生日, 我去香格里拉訂咗個CARACAS 蛋糕, 有燕子為記, 請各位網友不要盜用, 如若不然, 罰款五十美元.
話說回來, 這個蛋糕非常美味香滑, 而且清淡不肥膩, 很好吃.

打麻雀賀生日, 可惜壽星婆冇LUCK, 仍是敗陣收場.

Tuesday, July 26, 2011

Disneyland Hong Kong Hot Summer

迪士尼就快加價啦. 呀姊抽到獎, 有兩張免費門票, 就算炎炎夏日, 都要去一趟. 新價要成$399 一個人, 好貴呀! 轉眼間, 原來迪士尼已經五歲了. 加價都係時候.
要影靚相一定要靜雞雞, 影完就行, 否則一叫這裏有靚景, D 人就會不知從那裏蜂擁而至. 這張石中神劍就係咁樣<偷拍>得來.
咖啡杯好懷舊, 有茘園FEEL
這迪士尼大門口的經典場景, 想世界各地的迪士尼都如是.


迪士尼地鐵站夜景都幾靚.
而且裏外都好有歐陸FEEL
熱到差不多溶化, 奉勸各位, 最好飲完下午茶至去, 四點看巡遊, 六點看獅子王, 九點看完煙花回家.  下午的隊又沒有上午的長, 也可以拿FAST PASS 節省輪候時間, 可以玩多幾個項目. 香港夏天大概七點太陽下山, 六點已經不算太熱.

食物方面貴到飛起, 當真一個漢堡飽都要80大元, 不過有幾條薯條送, 500ML 的水要20元一枝, 汽水要22元, 當真無錢不行.

買番件T恤做紀念, 花了205元. 雖則入場貴全免, 但由灣仔出發到迪士尼全程地下鐵要$21.7.  來回$43.4, 難怪說<執到條襪帶>.