Tuesday, December 30, 2014

Macau 2014

2014年12月24-25日

2014年已經到咗聖誕節, 如以往一樣, 兩姊妹到澳門過聖誕, 不過今年的考慮要多一些.  點解? 說來話長.

事緣今年呀妹病足一年, 除了返工和返屋企之外, 去得最多的地方是物理治療所, 醫院和醫務所, 除此之外, 未去過屋企三條街以外, 由一月10 號病到年尾, 在家中困足一年, 襯著情況許可, 胆粗粗的實行計劃行程, 去澳門走一趟, 聲明要慢慢行, 有需要就坐, 如行不來就要打的之類.  為了腳趾公痛, 半年沒有下水, 顧意入住金麗華(前文華酒店), 試試它的暖水泳池. 暫無大礙.


不過這棵聖誕樹和去年的是同一棵, 有照片為証.


在大堂卻新加了一間葁餅屋, 我喜歡全景, 呀姊就喜歡近鏡.
.

在街上走走, 去舊舖懷吓舊是少不了的.


轉個彎去仁慈堂巷仔影張相都幾好.


我哋去澳門除了賭和吃之外, 還有點文化氣息, 參觀了兩個展覽.  其一是新出土的覊國文物, 此乃春秋時代的一國, 但歷代文獻沒有記載, 是近幾年考古的新發現. 


另外一個展覽在文化中心, 就在文華酒店後面, 也很方便. 這個叫朱艷增華的展覽, 是與故宮合辦的, 展出乾隆時代的漆器.


不知怎的, 大部份漆器都是紅色的, 包括這首官船, 令妹想起再世紅梅記中"請辨劃船旗上幟"一語, 亦是巧合, 這照片看來亦有江上的意景.


我們來澳門<食>是很重要的一環.  可惜我們愛吃的東西不外乎幾款,  聖誕前夕, 我們吃了自點的聖誕大餐, 都是那一句, 餐廳提供的聖誕大餐不但貴, 而且不合口味, 我們最愛吃這一家餐廳的焗鴨飯.  焗青口和煙肉炒椰菜算是新點子.  甜品是送的.













Thursday, December 25, 2014

Christmas Food Summary 2014

2014 聖誕食物雜談
又到聖誕, 總結一下近期的美食.  首先由垃圾公司的聖誕餐講起.  

12月11日星期四, 20人包起 Cafe de Paris, $25,000 +10%, 餐單如下.
火雞沙律

Chestnut Soup

主菜有兩個, 其一是意大利粉

其二有兩個選擇
牛肉西冷是我老闆的


三文魚是我的

Citrus Chocolate Mousse

雖然presentation 算精美, 味道幾好, 而且份量夠大, 我的三文魚和這塊蛋糕足有成塊豆腐咁大, 但係價錢都幾貴, 連加一算起來要成1,350元一位, 但係包廳和特備菜單, 再加上三小時任飲, 所以好難評估.

家中的五星級火煱 - 12月16日

天氣轉冷, 在家中吃火煱最好不過.  但係洗吾洗食到咁'豪'?  事由我在垃圾公司的晚餐抽獎抽到一個咖啡機和500元Citysuper 購物券, 所以一於豪一下.

日本A5和牛肉眼, 240元100克, 這四塊和牛合計312元.


拳頭咁大隻的美國帶子, 62元100克, 這4隻帶子合共139元.  澳洲南極冰川toothfish, 7 片8折後共值88元.  這三道菜合共540元, 除了用券外, 還得自資40元, 不過人一世物一世, 用40元試試新口味, 亦未為過.


冬節家人聚餐 - 12月20日 - 寶湖金宴


因為好多菜式都拍過照, 所以今回只拍了這一碟海蔘.  全席$3,988 全包, 14人要加兩位合共300元, 結算$4,288, 比日常的聚餐都貴, 點解?  因為呀妹做咗暴發戶, 中秋節賣了股票賺了幾十萬, 所以讚助餐費, 每位出資250元, 包本餐, 團年和開年, 務求皆大歡喜.

Boxing Day 的午餐  - 12月26日
因為生了兩粒大非之, 所以呀妹選了意大利飯, 較易入口.


呀姊選了葡國焗鷄飯, 嘩好大碟!


其實Boxing Day重有好多地方賣僅聖誕大餐, 先吾講價錢, 剩係菜單都吾係好啱口味. 一開始就係杯紅(白) 酒, 再加上甜品之類, 實在會太飽, 所以重係吃一個簡單的三道菜較為上策.








Sunday, July 6, 2014

Health Home Cooking

好耐冇好好地煮過餐飯比自己食.  點解? 因為腳痛.  腳痛同煮飯有關? 當然啦.  煮飯吾可以坐著來煮, 連煮連洗碗閒閒要企成個鐘, 我腳仔軟, 無法應付. 而且我鐘意食既嘢要去CitySuper和The Great至有得賣, 但因為腳痛, 兩處我都去吾到, 已經成半年深居簡出, 最近隻腳情況好番D, 所以就胆粗粗走去買餸煮飯.  我煮D飯簡單健康又快捷 - 煲仔飯.

Anna自家煲仔飯款1 - 青菜火腿飯
一包菜大約半斤, 可以兩用, 落完煲仔又可以放湯.  因為我嘴刁, 我鐘意食的這隻火腿只有CitySuper 至有得賣, $55 可分兩次用. 小棠菜比較平, 但係要找啱SIZE就吾容易, 又係要去CitySuper 至有. 不過半年冇買餸, D嘢貴咗好多, 以前15.5, 而家要成18元一包. (本餐成本$52.5)

Anna自家煲仔飯款2 - 冬菇肉餅飯

整咗我成個鐘頭至有得食. 原來剢肉餅好花時間. 買咗包日本冬菇, 原來冇味的, 今餐吾算好成功, 要加煲仔飯鼓油才可以食. (本餐連菜成本$29.5)


Anna自家煲仔飯款3 - 冬菇火腿飯
之所以話經驗好重要, 昨天的冬菇無味, 今天加蒜蓉鹽先行調味, 好味好多.

我都話火腿可以分兩次用, 配完青菜又配冬菇, 息火前再加葱, 都幾好睇.

 冬菇較易熟, 所待火腿熟後才加. 


飯將近熟的時候先加火腿

再講我D米一定要去 CitySuper或The Great, 即太古廣場至有得賣. 因為要意大利米至煮到我要的效果. $27.9 - 500克, 只可煮四餐. (本餐連菜成本$49.5)

蒜蓉炒豆苗

我都話咗要健康, 所以綠葉蔬菜是不可少的. 每餐都要有一碟.
去街市買豆苗, 老闆還送了葱, 整到我的煲仔飯靚靚.

我的食材好講夠, 計起上來吾平得過出街食, 但係用料十足, 煮法健康, 又係自己鐘意食既嘢, 貴D都值得.




Saturday, June 28, 2014

Mid Year Report 2014

2014 Mid Year Report

今年是我被病魔纏繞的一年. 1月10號左右開始腳痛, 沒想過到我6月生日仍未醫好, 而且越病越多, 越病越離奇, 見到有好嘢都冇心機食. 在家附近的榮興看見一個抵食海鮮餐, 到6月中病態有個小陽春, 請呀姊去食.


豉椒炒蟶子王
嘩, 好大碟, 好好味.
蟹皇海鮮翅

煎大蝦
嘩, 真係好大隻, 好肥美, 好好味! 用手食, 仲好味.

上湯蔬菜
酒樓要平衡成本, 食客要均衡飲食, 各得其所. 
又係果句, 真係好大碟, 食到好飽.

綠豆沙
有香草海帶, 真係認真制作, 好味.

四度菜海鮮套餐連甜品, 不過HK$388, 加每位$6元茶錢, 無需加一, 全單剛好$400元, 另tip 10元.

時為2014年6月14日, 回看起來, 是我舊曆生日, 即五月十七也. 你話算吾算巧合. 

******

由於腳痛, 腳趾痛, 手趾痛, 條脷又痛, 又廔次被醫生拒於門外, 邊有心機食, 到咗6月23日, 簡簡單單的和呀姊去榮興再食一頓海鮮餐.
薑葱焗美國桶蠔
雖然D蠔好肥好大隻, 但係賣相和味道都不及金兜記, 我地倆姊妹都有同感.

椒鹽白飯魚
好少食到這個菜色, 呀媽話, 出外食嘢要食D自己吾識煮的, 這是其中之一, 自己煮好麻煩. 而且有人話白飯魚多鈣質, 因為連骨食, 好健康.

雜菌上湯蔬菜
均衡飲食, 蔬菜是不可少的.

也有甜品送. 事有偶合, 全單和上次一樣價錢.

*****
6月27日是珠仔的正日, 佢好客氣, 請咗我哋幾個去醉紅樓食一餐.  我雖然病, 都襯住生日放假去剪番個新髮型.


四嫂話祝我生日快樂, 其實生日都要去醫院做檢查, 都吾算得上快樂, 喺律敦治攤咗成半個鐘頭照頸動脈. 好在當天早上呀姊請我去金記飲咗餐早茶. 喺垃圾公司做有樣好, 生日可以放假, 不必扣大假.

醉紅樓這一餐跟去年的有幾個菜相似.  這碟大蝦面是其一, 勝在啖啖肉, 好好食.


去年有乳豬, 今年有乳豬拌盤


去年有成條魚, 今年有金龍魚兩味 - 炒球和頭腩煲
香噴噴又真係幾好味.


花膠鵝掌生菜

我的手腳和舌頭生病, 而且久醫未愈,  因而立志介手腳和舌頭有關的食物, 祈求早沾勿藥. 所以鵝掌就免了.

蔬菜是均衡飲食的必需, 加金菇上湯,都幾好味.

有翅食, 是竹笙海皇翅, 好味.

菜膽上湯雞, 未有拍照, 因去年都有這個菜色, 不過去年是生菜, 今年是小白菜.

已經食到好飽, 仲有一碟雞絲炒飯.

雖然好好味, 但小吃多濨味, 好不容易才把它吃完.

呀姊布效的生日蛋糕
已經食到好飽, 唯有放棄大會的免費甜品, 吃自備的蛋糕

半席連飲品相信要過千元, 由珠仔做東.


若問我什麼病, 真係一言難盡.
  • 左腳痛 - 其實是痺痛無力, 最嚴重的時候, 早上梳洗都要坐著來做. 做咗一個月針灸無效, 改做物理治療, 至執筆時仍在治療當中.  (約1月10號開始發病)
  • 左腳姆指和腳指痺痛 - 點痛法? 瞓到半夜都要去急診室打止痛針. 不過打針食藥和物理治療都無反應. 經急診室, 聖保錄和政府專科門診搶救, 至今只在週末發作. 病魔給我幾天假期, 都算要天之幸. (4月初發病)
  • 左手手指痺, 中指跳吓跳吓咁痺痛, 真係想切咗佢去來. 用椰子油加香薰按摩, 近兩週沒有發作. (4月初發病)
  • 條脷最麻煩,中西醫都冇醫生識醫, 亦冇醫生想醫, 舌尖痺痛, 由間歇性變成持續性, 範圍和程度都持續加劇, 由於無醫生肯判症下藥, 白白捱了幾個月, 未知下文如何, 7月3號去律敦治覆診, 未有太大期望, 唯願個病魔怕醫生, 好似隻腳指咁樣, 未入診療室就吾敢作怪. (1月開始間歇性, 4月開始持續性)

若論醫藥費, 我都未試過同一個証花咁多錢, 點算一吓, BUPA於4月初爆燈, 自費連MRI超過五萬元, 希望MRI有得賠, 可減低約萬八元的開支.

Wednesday, February 26, 2014

Ho Tung 40

1974-2014 - 何東四十載

在何東畢業40年, 去母校懷舊, 由食雞開始. 點解?

這間雞店名喚丹麥餅屋, 但係餅就久奉, 炸雞朱排等則其門如市. 這間店餔約於1971-72年間啟業, 時為我在何東讀F2-3期間, 因為就近學校和巴士站, 放學後被其香味吸引, 往往到此店買雞回家下午茶, 至於多少錢一隻已無復記憶, 但在銅鑼灣道學校路口的另一間店舖買4毛錢一塊蝦多士則記憶猶新.  一間商店能在同一位置經營40幾年, 相信都可以上某某紀錄大全.  門庭依舊, 雖然得可以, 相信40幾年來沒有翻新過, 但依樣其門如市, 連包裝用隔油紙和雞皮紙袋都是一般懷舊. 可是味道有點兒不及當年, 可能當時年幼家貧, 有得吃已經很滿足.
丹麥大雞翼 - HK$7 一隻(2014年2月25日)

母校門庭依舊, 但已易名何東中學.


嘉寧徑 - 學校所在, 但當年學生行的橫門現在加了兩度鐵閘, 所有人都要行正門.


Old Hall - 我在這裏跟師姐們買舊書. 這兒也是covered playground, 下雨天在這裏上體育課.


Old Hall 裏的新事物- 微波爐, 足足有十幾部. 上有告示, 正校同學不得使用分校微波爐, 不知作何解. 分校微波爐置於分校便無需張貼告示!


操場, 在這裏跟Miss Chan上了5年體育課, 一無所得.  下課後和 Lucy 在這裏打羽毛球則記憶猶新.


New Hall - 我在這裏做默劇, 引得同學們哄堂大笑的經驗很難忘. 我好似也在這兒考過好幾次試.


課室外的草地變成後園, 雖然沒有花, 卻多了櫈子供休憩之用.


這是我F1 至 F3 的課室所在, 當年這邊是草地, 另一邊是操場, 有人上體育課的話, 會有噪音. 但現在課室都加了冷氣機, 噪音的問題應該減輕.


課室不單只加了冷氣機, 而且電腦電視projector/screen 一應俱全, 只是仍用黑板寫粉筆字則out out 地. 但我到訪時是下午四點幾, 已是下課時間, 不知何解, 好多課室仍有10來個同學, 似在補習或開會似的. 不過這些時間我覺得做些課外活動較為有益.


課室外和走廊都貼了座佑銘, 頗有意思.


這是我當年的冬天校章


這也是其中一個校章, 學校活動和上體育課時分組所用, 我属於Green House.


講到學校歷史, 我是69-74年的學生, 其間最大的一則事項是學校由何東女子職業學校改名為
何東官立工業女子中學.


查母校自1998年再易名為現時的何東中學. 而當年沒有的理科現在都有了.  其他的工業學科如打字薄記等就不知道了.


學校創辦於1953年, 我在1969年入讀, 算是較早期的校友.  至於校長, 我入讀時是劉圓爵女士, 約F2-3年間轉為周林蓉第女士, 為第二及第三任校長.  2009年在一次義工活動中偶遇當時校長黃燕鈴女士, 可惜已於去年退休, 未及與她再握手話當年.


這幅經典照, 是1974年全體教職員的合照. 沒想到我要到40年後才有機會一看. 有好多人名和樣貌都記得, 不過有些無法從名單和相貌去尋找.
前排左一 是只想教一聲百諾高材生的Miss Lau, 佢好利害架, 離開師範作咗十條作文題目, 沿用到退休.
中間是校長Mrs Chow, 最右是教家政的Mrs Suit.
至於教游水5年連腳趾公都未濕過的Miss Chan 和教Biology 很了得的 Mrs Chan 都找不到.

話時話, 十年人事幾翻新, 何況是40年. 講句心淡的, 各人是否健在都吾肯定. 做得校長通常都接近退休年齡, 現吾死都近100歲.  以Miss Lau 果套, 現在吾退休都保証冇得撈.

我為什麼拍得這許多經典歷史照, 多得校方在60周年校慶時開辦了一個校史廊. 就在二樓教員室外面.


上述舊照是學校提供的, 以下舊照是我的私人珍藏.  可惜我在母校所拍的照片不過寥寥幾張.

上面的一張, Mr. Wong 是F.3時的英文sir, 所以時間應為71-72年, 同學們大約都是15/6歲. 我在那裏? 呀sir前面側頭的一個. 認得特首夫人嗎?


左下: 是課室外的草坪, 即現時有休憩設施的園子. 站在Miss Siu 右邊穿淺色外套的便是我.
右下: 學生行橫門, 大門是學生禁地, 不知怎的竟有膽量走去大門拍單人照. 不用多說, 這個孖辮妹便是我.

袁禮榮, 1969年升中試獲派第三志願入讀何東女子職業中學, 因家貧, 呀媽希望職業學校能助我有一技之長自力更新. 
孖辮妹的2014版