越南下龍灣

2011年12月28日 - 2012年 1月 1日

去越南旅行, 去足兩年.  下龍灣其實在北越.  天氣跟香港差不多.

船上有很多空間, 到處看景影相都不用爭.

<冇同人爭執>是此行的金句

有小舟載到岸上看鐘乳石山洞

人說這裏是海上桂林, 你話似吾似?

兩日一夜在海上, 看的景色都差不多.

好在任影吾嬲, 不用爭先恐後, 成個行程都很休哉悠哉.

全程我最滿意係這幅相, 你話呢?

條褲係新買,所以要影全身.

由日影到夜

黃昏景色都幾好睇

風好大, 要影張好眉好貌的相殊不容易.

天光重可以在船上自己間房門口一邊做早操, 一邊睇風景, 都非常寫意.

Vietnam - Others

越南點滴

坐自費三輪車遊法國舊城區, 人車混成一片, 好在有驚無險.

頭一餐越式晚餐, 雞絲河粉吾錯. 環境亦可.

鎮國寺是搭稱項目, 千多年的寺廟看起來是全新的, 因為剛維修完.

胡志明廣場和紀念館 (外觀)

河內的InterContinental 在水中央, 是全程的唯一五星級酒店.

InterContinental 的 2012 冰雕, 有一個路過的廚師主動為我們拍照.

越南的抄票全都是大額, 所有人都是百萬富翁, 我們只花了200 港元, 便已換得五十萬越幣, 可是一毛錢都沒用過, 全數對換手信.

Vietnam Food - Delicious

越南美食

一日三餐，食到超哂額。第一餐的越式餐算吾錯。春卷熱辣辣，雞絲河粉，餐廳環境各樣都滿意。

第二天較俱特式的包括燒羊肉和燒蝦。

船上的自助餐由法國人主理，做得吾錯，春卷都有幾款，有炸有吾炸。都好好食。

至於水果，我最愛芒果，雖未至一掃而空，也吃了很多。其他的西瓜火龍果都很新鮮。

船上的至愛當然包括吉列魚柳, 如果有吉列豬排就更perfect!

大除夕晚吃自助餐，場面夠酷大，食物超過二百多款，只是貴多不貴精。較具特式和合口味的包括如下幾款：

炸蟹仔

春卷

燒沙甸魚

至於甜品方面，最好是燉蛋，大菜糕和焦糖布甸。相信如果廚師們看見本文，大都要掛靴，甜品師傅除外。

2011年的最後一夜在河內的五星級InterContinental度過，2012的第一份早餐亦是五星級。生熟牛肉河粉在此得到了補償，只是少吃尚可，多吃肚子吃不消，事關已經狂吃了幾天，回港必需節食。

五星級即是五星級，早餐桌上竟然發現蜂巢一個。雖只是排場，亦很有趣。

面包方面有很多品種，當然少不了越南最有風味的法包。

Vietnam Food - Junk

越南的Junk Food

出門旅行，有幸有不幸。就以越南的著名生熟牛肉河粉為例，竟然大失所望。任食? 當然是NO。牛肉者，牛皮也。或許連牛皮都不如，非人所食的物事一堆！。

雞肉者, 雞皮也。 河粉亦不夠滑。

不知何解，這間PHO24的生意好得離奇，或許如此竟將我們待慢，成三點鐘才食完午餐。所謂熱啡奶，只是室溫，難飲之極。各位請注意，河粉成差不多25港元一碗，在越南算貴，但仍是CRAP，可見有名氣，好生意，不代表好食。順帶一提，這間PHO24在香港有分店，網上食評亦是好壞參半，各位務必小心！

另外一餐，竟然連煲燶的湯都可以款客。冷飯亦可以上枱，其餘食物都是crap。至於越式音樂表演更是欠奉, 可惡！

Lamma Island Seafood Holiday

南丫島海鮮自由行 - 12月2日星期五
好耐冇去過南丫島食海鮮, 襯住十一二月天氣宜人, 兩姐妹去南丫島遠足兼食海鮮. 照往日行程, 榕樹灣入, 索罟灣出, 照舊在森記吃海鮮.  之所以鍾意去南丫島, 是因為該處的酒家一般環境幾好, 睇吓你就知.  在中環４號碼頭出發，船費都幾貴，16.8和19.1，來回要三十多元船費。

椒盬瀨尿蝦, 吾知點解咁快. 點完菜冇兩分鐘就上枱.  食瀨尿蝦要出手食至夠味, 全無 table manner. $160

蒜蓉粉絲蒸扇貝, 看起來好清淡, 好在吃起來尚算好味. $25 一隻.

清蒸黃立倉, 可惜呀姊話係養魚, 吾夠好味. $160

幾款海鮮吾夠頂肚, 又吾肯送海鮮湯, 只好自費揚洲炒飯. $45.  不過看起來冇上之果碟咁好睇.

A La Carte 勝在鍾意食果樣點果樣, 但係set menu 亦有好處, 以這個2/3 人餐為例, 只雖$468, 免加一, 比我們的自選菜式還多了白灼海生蝦和清炒時蔬, 而費用方面只多了53元, 亦為上選.

店主說不論自選或預設餐單, 海鮮貨色都是一樣, 無怪有很多<老外>都喜歡叫　SET　ＭＥＮＵ，簡單快捷。但自選則多一番趣味，各適其式。　

Hong Kong Outing - Lamma Island Seafood

Macau 1111

今次去澳門適逢2011年11月, 竟然在新麗華住上1111號房. 信不信由你, 但卻有圖為証.  是豪華房, 可惜冇好夢發.  費用$1472 連早餐雙人來回船票全包.  11月29日放工後去搭船. 一上船就去星際酒店食樟茶鴨.

第二天在新麗華吃自助早餐, 話說這裏的早餐是眾澳門酒店早餐中最可以入口的,  其他的都不知所為.  去同老虎比拼是指定動作.  ANNA被老虎打敗, 在賭場失利, 她的姐姐卻在最後一刻翻本.  賭博就是這樣的了. 

吃完下午茶豬排飽, 為時尚早, 去龍環葡韻逛逛, 天氣清涼又不冷, 幾舒服.  對面是新豪天地和威尼斯人.

回到市區, 尚未夠鐘回程, 到大三巴走走, 沿路讓人試食的杏仁餅, 花生糖, 牛肉乾等等, 應有盡有, 任食吾嬲.

大三巴腳下竟有三輪車免費供遊人拍照, 當然吾放過.  原來三輪車亦有工作時間, 10月至12 月每天1030-1330 和1430-1630.  回顧我們拍照的時間為下午四時12分, 剛好在三輪車下班之前.

其他行程包括文化中心和藝術博物館, 都在金沙附近.  看了一個故宮的攝影展等等.  至於懷舊, 今次免了, 因最近9月才懷了一次.

Hong Kong Outing - Macau 1111

Macau Luxury Dinner

2011 年11月29-30日

今次去澳門, 可謂有運有不運.  一落船, 去五星級星際酒店食個樟茶鴨.  蘇浙匯, 你睇環境吾錯, 有個半開放私人客廂.

前菜, 南瓜火腿等20大元, 不算太貴, 而且幾好食.

醉雞, 我都未見過呀姊一路食一路叫好食, 看來都真係幾好食.  我地連汁都吾放過. MOP66

樟茶鴨 - 我的至愛出場了, 不用去北京, 來到澳門有意外收獲, 不過半隻好似吾係幾夠稱. 但係好好食. 可惜碼頭資訊失誤, 半隻40元看來都已經平得不能入信, 現場菜牌寫78元半隻, 但結賬55元, 有著數當然靜靜雞吾出聲.

好似食北京填鴨一樣有面包, 熱辣辣又鬆軟, 水準一流.

雞汁鮑靈菇時蔬 - 都算我地均衡飲食, 這碟雖然係齋, 因為有雞汁, 都幾好食. MOP52

楊洲燴面 - 看來無特色, 勝在夠清淡, 一定填飽肚.  MOP42

此行第一餐就食得好滿意,  4 個菜色合共MOP285, 在五星級酒店用膳, 計起來並吾算貴,

在新麗華過夜, 早餐自助吃得飽飽, 放棄午餐, 改飲下午茶, 吾知係吾係影相影到傻咗, 竟然叫個豬排飽準備, 實行當佢係人.

好景不常, 去到小飛象食晚飯, 情況就吾係咁理想.  可能因為肚子不餓, 又想吃莆國餐, 但是點菜點得過量.  沙甸魚14元一條, 不過不失.

澳門D面包一般都熱辣辣, 非常可口.  算係全餐最好的一度菜.  吾知點解, 冇叫湯都有包送.

這碟燴椰菜開始不對勁, 但免強尚可收貨.

這碟海鮮焗飯, 都米話吾肉酸.  D蝦吾新鮮, 成碟都係魷魚, 濕立立, 黑嗎嗎, 而且肚子已經超額, 食到半路棄權, 只有呀姊繼續. 有點兒貼錢買難受之感.

Macau 1111 - Dining Experience