今年的聖誕節如往年一樣都是在澳門過. 好似這樣的安排已經有好多年. 今年出重本住文華酒店 (每位HKD1,126), 其實這是舊文華酒店, 新的搬了去旅遊塔附近, 我們住的這一間是舊的, 易名為金麗華. 雖然舊, 但都總算是名店, 比起金龍的CHEAP 記大有不同.
大堂夥聖誕樹是斜的, SPA這一夥才直, 而且和我差不多高又佈置得幾靚, 來個合照剛剛好.
在金沙和碼頭附近, 對面是金龍,行路可以到葡京和永利一帶, 都算方便.
這是市中心絕無僅有的RESORT, 一天光到泳池去HEEY, 原來是暖水泳池, 可惜沒有帶泳衣來, HEEY 了大半個小時然後到隔鄰金沙去食BRUNCH.
為免淨係食同賭, 聖誕夜出街拍了一些夜景, 都幾好睇.
法老王的噴水池都吾錯, 可惜細咗D,
下面永利的就吾同睇法.
在永利旁影過去的跨海大橋和旅遊塔, 夜景幾好看.
這夥聖誕樹好似係文華大堂斜果夥, 雖然如此, 都佈置得幾靚.
講到食, 好多人都講金沙D自助餐正, 今次來得方便, BOXING DAY 走去食自助午餐, 一於大吃一頓, 連夜餐都鏗番. 平時MOP128, BOXING DAY 要MOP207 (加一在內). 雖然如此, 這一餐當真食得好開心. 點解? 有好幾個原因. 其一, 這樣的價錢在香港是不可能吃得這樣水平的自助餐. 其二, D食物真係好多, 好靚, 好好食, 你睇隻火鷄就知啦. 其三, 附近冇麻煩顧客, 總算吃了一頓美味可口略便宜的安樂茶飯.
講到什麼最好食, 我首推這碟吉列牛仔肉, 因為廚房就在食物枱另一邊, 剛炸好就放上枱, 仍然之之有聲, 嘩真係好好食.
為了健康起見, 每碟都盡量加一些綠色蔬菜.
聖誕甜品的品種多到數吾清. 我最喜歡的首推TIRAMISU, 真係好少有機會食到D咁有水準如絲糼滑的TIRAMISU, 其他如燉蛋涼粉都好好食.
連湯都有新發現, 就係何首烏煲猪骨湯, 食吓會黑髮都吾錯, 配上我自制的SEAFOOD PLATTER, 健康有益.
我都話啦, D甜品多到數吾清, 一於來個花LI碌的大合照.
我真係好喜歡這張相, 顔色多食物多, 一望見就好開心!
No comments:
Post a Comment