Mid Autumn 2013

今年中秋節, 大頓入咗醫院, 大家取消了大伙兒聚餐, 我與呀姊因而在中秋節晚上進行小形家宴.  廣東菜館全滿, 如果吾想食西餐, 只有改食其他菜色. 想起會展有間上海菜有小黃魚食, 即管試試, 一訂即有, 六點半入席, 人不算多.

醉雞是我們的心水, 幾乎是無骨的, 好香的花凋, 但沒有把我們吃醉.

小黃魚是我們上海菜中的至愛, 都吾知點講, 總知好食到不得了. 但係都幾貴, 98元兩條, 但係做節, 最緊要食得開心.

咸肉百葉小棠菜,看來幾清淡健康, 而且好好味, 有湯底濕濕地. 其實原先想吃該店的招牌菜馬蘭頭百頁, 可惜沒有馬蘭頭, 改為小棠菜都算吾錯.

小籠包是上海菜蓆上不可小的, 很多汁, 好好味.

棘泥窩餅是次選. 該店的甜品選擇實在太少, 而且一般都不是上海特色, 失望.

桂花烏龍茶, 17元一位都幾貴, 但係好香, 而且裏面冇茶葉, 可能是泡好一大茶壺, 再轉落細壺.

全單連加一HK$508.4

會展舊翼一樓, 新滬坊

這間餐廳的飲食環境十分理想. 餐枱之間有充份空間, 加上是夜沒有吵鬧的顧客, 所以都算是一餐安樂茶飯.

 

是夜是中秋節, 自言自語的話吾知有冇月餅送, 原先已為是送一兩塊作甜點, 結算時送了一盒六個的上海月餅, 喜出望外也.

 

雖然上海月餅不太合口味, 但免費的仍是很開心.

 

六個月餅, 4個是五仁, 兩個是玖瑰豆沙.

餐後回家途中在行人天橋上拍得的中秋月,
時為2013年9月19日晚上8時13分.

 

健康飲食篇

大頓點解會入醫院? 原來是腸癌, 即呀媽果科, 都咪話吾驚, 只好在飲食方面加倍小心.  8月17, 中秋節心情仍未過, 仍想吃些好嘢, 食自助餐可也, 但仍以均衡飲食為主, 以下是今天自助餐紀錄.

 

頭盤: 甘荀忌兼湯, 魚和蔬果.

 

主菜1: 西蘭花, 冬菇, 魚, 鴨胸, 老水.

主菜2: 娃娃菜, 面, 火腿, 牛舌, 水果.

 

另有一碟水果沒有拍照.

因為是中秋節, 所以甜品有月餅

 

總之記住每碟都要有蔬果, 咁就萬無一失.

健康無價, 請各位緊記.

 

皇悅酒店 - 長者HK$90, 成人HK$110, 加一.

價錢尚算合理.

Macau 30 - Day 2

澳門30 - DAY 2
2013年9月10日

在金龍酒店住宿, 不包早餐, 對我來說正好.因早餐不好吃,不吃又吾底, 食飽咗又食吾到自己心愛的食物,所以睡個懶覺,十點鐘左右去樓下和老虎比拼, 然後步行往總統酒店食個BRUNCH再懷舊.

由金龍酒店沿新口岸步行往總統酒店大約20分鐘, 途經法老王,個噴水池幾靚, 拍照可也.

 

到了總統酒店,未入門先拍個影片, 比較一下今昔.

去總統酒店食非洲雞是我此行的重點懷舊項目. 因為當年被困, 這裏就是我的避難所. 好難才在酒店買得非洲雞充飢. 看, 現在食同一個菜色, 環境好好多.

 

這個葡國青菜湯, 滾熱辣,好好味.

 

若說我昨晚吃樟茶鴨是在天堂, 今天吃非洲雞便落了地獄, 而且是18層果隻. 非洲雞從來我只知道有乾濕之分, 是一款香辣菜式,至於用芝士焗真的聞所未聞. 各位如果你吾怕等得耐, 同頂得順D又臭又蘇的芝士, 不防來總統酒店試試, 想不到總統酒店在這三十年後又一次給我一個畢生難忘的經歷. 其實點解要在雞肶上加成吋厚的芝士, 原因只有一個, 就是令這隻形似雞肶的物體看起來大塊小小. 服務員話係半隻雞的份量, BULLSHIT. 75元一塊雞骨, 都咪話吾過份. 因為芝士實在太臭, 只好把它完數鏟走, 餘下皮包骨看似雞肶的物體, 跟本無處落刀, 只有用手吃, 不過無論如何努力, 都只係食到骨頭, 至於雞肉嗎, 約莫都有10克.

 

雖然我是來懷舊, 對價錢不甚計較,但75元吃幾塊凍冰冰軟淋淋淡而無味的白涻薯菜, 被人賺去73元純利, 都咪話吾激氣. 所以我食完出來影相個樣都重嬲嬲哋.

 

話說我這張相站立的地方, 在30年前是海. 10號風球之下,我從酒店房間看見翻起滔天巨浪的所在, 所以酒店的大堂其實是嚴重水浸的.回想起來,我是在1983年9月8日星期四如常到澳門上班, 下午四點幾掛了8號風球無法回家, 所以趕到最近碼頭的總統酒店暫避. 按香港天文台紀錄, 是9月9日零晨掛9號風球, 一小時後再掛10號風球,9月9號傍晚時份才落波, 依稀記得我是星期六早上先返公司打電話向呀媽報平安, 然後搭船回家的, 計起來我應該在澳門被困了兩個晚上. 而令我受困的, 巨風愛倫也.

話說愛倫是戰後三個最強颱風之一, 其餘兩個是62年的温黛和71年的露絲.  說也奇怪, 愛倫之後16年都沒有掛過10號風球.

 

懷舊完畢, 去看看澳門回歸賀禮展, 其實我在10年前已看過一次, 只因接近金沙, 所以來這裏走走. 看看這件禮物, 不講而之, 一定是上海送的.

 

因為花了117元的午餐吃不飽, 攪到我要回金龍酒店high tea, 不過蝦多士欠奉, 豬扖包亦吾錯, 大大個, 熱辣辣, 面包脆卜卜, 40元的豬扖包比起75元的非洲雞骨, 貨真價實得多.

 

五隻獅子, 成群花豹, 成班美女

懷舊點解會講起這些東西來. 其實都是此行在賭場的成績.

因為已經接近輸清光, 所以下最低的注 0.05元, 只限一行, 根本贏的機會微乎其微, 但竟然在這一行裏出現了5隻獅子, 派1000個CREDIT, 是全機最高派采, 雖然只值50元, 但果5隻獅子真係好可愛.

 

在金龍TEA完之後還有少許時間, 上船之前作最後衝刺, 竟然被我贏番吾少. 如果吾係趕住搭船, 或者可以番本. 金龍有架新機叫做暗影黑豹,我好鍾意玩, 試過全頁都係花豹, (當然中間有幾個洞), 但係都派咗1300幾個, 如果全頁都係黑豹的話, 可能重利害. 又有一次全頁都係美女, (雖然中間有一兩個洞), 派咗3000幾個, 响晒機, 全場引來不少艷羨目光.  可惜埋數仍然輸了差不多200元.

 

我時時都話, 我吾介意交娛樂費, 但我想有得玩. 此行雖然輸了錢, 但我真的玩得好過癮.

 

是日也, 2013年9月10日星期二, 我是專程請假到澳門懷舊的.

 

Typhoon Info Hyperlink

 

Macau 30

澳門30 - 懷舊之旅
十年人事幾翻新, 30年又如何? 2013年9月適逢被困澳門30週年,獨個兒去澳門懷舊.

莫道韶華容易逝
卅年仍上大砲台

 

我選了一襲跟當年類似的衣服, 舊照重拍, 你道如何?

 

講到懷舊, 要從食雪糕開始. 點解? 因為當年我間舊舖變咗雪糕店, 入去食雪糕, 便可以名正言順的入去走走看. Take Away要35元一個scoop，堂食則要44元加一，不過我是來懷舊的，所以價錢不甚計較。Tiramisu 其實真係幾好味.

時近中秋節, D人喺樓下忙住賣雪糕月餅, 樓上餐廳就無人理我, 一個人坐晒成間餐廳, 任影吾嬲.

不過已前成個閣樓都是OFFICE, 現在部份懸空可以看見樓下, 所以地方少咗. 當時連我在內有5個員工, 現在只有4組座位.

樓下SHOWROOM, 影印機變成雪糕柜.

 

或者雪糕店D人吾知點解這個女子會對佢地間舖頭戀戀不捨, 裏裏外外的拍過不停. 原因好簡單, 只係佢地吾知道. 因為我在此渡過了兩年我的黃金歲月(25-27), 即1982-1984年被公司派到在這裏做SALES.  雖然稱不上有甚麼美好的經歷, 但在我平淡的生活中, 亦算是一種另頪的回憶. 說老實的一句, 我由一個窮家女到澳門賣影印機, 第一期糧9000元, 在1982年來說是我不能想像的收入, 澳門可說是我改善生活的起點.

羅結地巷5號, 現時的Haagen Dazs，當年的Rank Xerox.

See, 只要有耐性, 這張相是去完大砲台回來拍的, 陽光和人流都與我合作.

 由大三巴往大砲台, 這段路我當年和往後的許多年亦留下不少足跡, 拍過不少照. 是日也, 2013年9月9日, 30年前的今天是星期五,澳門掛著10號風球, 但今天卻風和日麗, 是星期一的傍晚時份, 遊人不算多, 用腳架自拍亦無大礙.

要擺番當年個POST真係好難, 有8成似已經算吾錯.而且當年果張自然, 現成這張做作, 一睇便知.

 

可以懷30年的舊,也可以懷兩年的舊, 2011年偶然在星際酒店吃了很好吃的樟茶鴨, 今晚是蓄意尋舊地再吃的, 嘩, 真的很好吃, 皮脆肉嫩, 當真是回味無窮.

 

樟茶鴨MOP98半隻

 

還有葱油伴面, 雖然看來深色, 但味道適中, 好好味.

 

前菜有豬耳仔, 餐後有蜜餞棗子,既健康又美味.

 

7點鐘前入席, 人客不算多, 而且卡位坐得舒服, 服務又週到,對我來說是一餐頂級的安樂茶飯, 全單不過MOP205,食得好開心.

點解張相得半個人?

因為用腳架自拍, 取景有誤差. 但係張相不論顔色和構圖都好好, 所以保留下來. 是去完大砲台, 步行往星際, 路過永利時拍得.   

欲知DAY2的懷舊活動, 且看下文分解.

Healthy Home Cooking - Fried Rice and Cabbage

星期日吾出街, 在家煮食最健康.  今天和昨天的食譜一樣.

原則是多菜少肉, 而且要是海產, 即白肉非紅肉.

蝦蛋炒飯

 

雖然看起來色水較素, 但亦非常好味, 隻隻蝦啖啖肉, 急凍蝦食起出來都幾彈牙. 我的米是名牌西班牙米, 幾貴駕!

 

 

蒜蓉清炒椰菜

一個日本種温室椰菜約500克, 分兩餐吃.  我這碟棷菜看起來比起澳門的更好看,只是少了馬介休,  用皇后煲炒, 夠鑊氣, D菜不但好吃而且平得多.

 

看看今餐的成本.

 

蝦: $13.4

蛋: 約$2.3

飯: 約$6.5 (按比例)

椰菜: $12.5

合計: $34.7



以我用的上成材料而言, 吾算好貴,而且營養均衡, 自己煮, 除了要洗碗外, 一切都平靚正, 在家吃又食得好自在.

各位, 這是我的午餐, 至於晩餐我就不吃了. 我已經實行了每天一餐好幾年, 放假如果吾出街就在家煮午餐, 平日放咗工就回家煮晚餐, 有時早餐吃個面包加奶茶, 午餐免了, 晚餐加個水果.  這樣的健康飲食希望不會步呀媽後塵.

呀姨壽宴

呀姨是我們家中年紀和德望最高的, 她請80壽宴, 我們必然是座上客. 呀姨向來要面, 所以餐飲雖不至五星級, 但仍可接受. 起碼做了人情也不覺肉痛. 以下是當晩餐單.

2013年8月26日星期一, 利舞台廣場譽宴. 

鴻運乳豬全體

脆卜卜, 好味!

 

高湯焗龍蝦伊面底

服務生奉上濕紙巾,公筷和工具太慢, 大家都覺得好不方便, 連手指都要出動. 連殼上雖然看起來好睇, 但係食就吾見肉. 反為D面索咗D汁好好味.

 

京燒刺參玉帶

D帶子好彈牙, 顔色又靚, 都算吾錯.

玉影翠珊瑚

雖然個樣望起來清淡, 但勝在美味健康. 其實是蟹肉西蘭花.

 

紅燒海皇鮑翅

吾好話我挑剔, D翅雖然在面頭, 但看起來不算是高當次, 不過勝在配料多, 不失為海皇, 有好多蝦仔和帶子蟹肉等等. 主人家依例敬酒, 我們還每人逗了一百元大利是.

清蒸海東星班

呀姊話:要係星班, 又要係海班, 重要係東星吾係西星,然後至算係靚魚. 好彩這條魚全部及格, 是好魚一條, 而且蒸煮時間剛剛好, 好味道.

 

南非鮑魚扣玉掌

南非鮑魚原隻上, 都算係咁, 鴨掌好林好入味, 加上蔬菜, 尚算健康.

 

譽宴一品燒鷄

不理是燒雞定炸子雞, 總之都是我的至愛.

招牌炒飯

這碟招牌炒飯不敢恭唯. 是整晚的敗筆. 看起來無色, 食起無味, 無知點解會以之為招牌. 我果碗只有青豆幾粒, 呀姊果碗有兩隻蝦仔和小少許類似帶子的物體.而且席上分, 食到入口只是微温.

 

譽宴小籠包

小籠包吾係上海菜嗎? 點解食食吓廣東菜會走出來? 雖然好味多汁, 但係個樣同SIZE可以改善一下.

桃包

請生日酒, 桃包自然少不了. 嘩! 好大個, 熱辣辣, 香噴噴, 呀姨重話同酒樓講明一定要全個蛋黃.

 

全蛋黃桃包

酒樓冇打斧頭, 全個蛋黃, 我尊登開給呀姨看.

甜品尚有紅豆沙, 沒有拍照.

 

公價人情:  HK$500, 請呀姊代買, 連手續費都慳番. 其他人故幾多我就吾知.

 

出席: 大, 姊, 照, 二嫂, 煦, 三 嫂, 晧, 四嫂, 妹

 

人生七十古來稀, 80大壽更是難得, 所以我覺得一係吾做, 做就要做得隆重D. 不過菜單4980 都算不過不失, 比起上次果餐打秋風的3388來得體面, 而且逗番100元利是都算係咁. 但係酒樓的服務和環境尚待改善.

 

80th Birthday Banquet

 

食親魚翅都被網民罵, 所以在留言罵我之前, 請先看我的魚翅啟示.

 

魚翅啟示

致各鯋魚粉絲

Message to Shark Fans

Please DO NOT post comments about your shark protection / protest message.  I will NOT publish them.  If you want to protect sharks, here are my suggested methods:  

• Advertise in mass media
• Everyday protests, demonstrations…in front of all shops selling shark fins
• Everyday protests, demonstrations in public areas such as streets, parks to educate the public not to eat shark fin
• Letter, fax, email, telephone or personal visits to restaurant owners to insist them to remove shark fin from their menu
• Write to the government to request shark fin eating to be illegal
• Hire fleet of ships to go out to the sea to stop any shark catching activities. 

Leaving comments in my blog is a matter of wasting my time to read and delete.  It is in no sense contributive in saving sharks.

Big Trio

好耐冇影過麻雀相. 上星期六(24/8/2013) 竟然遇上一個機會, 食出大三元, 一於影番張相留念.

其實果日我輸咗好幾百, 到咗最後四圈才發力,相繼食出大三元, 自摸五番之類, 結果尚有小許盈餘.  其實我好後期才摸到隻白板叫糊, 大叫包白板, 都冇唸過食得出, 點知三嫂竟然會成全我, 盛為128可也.

 

Healthy Home Cooking

現在盛行健康飲食, 所以盡可能都在家中煮食. 平時放工後煮的都以快為主, 今天星期日, 且看我的健康美食.

人家說多吃素菜和白肉, 對身體好好, 所以我都朝這方向煮.

這是一道西餐, 番人不吃白飯, 所以買咗包西班牙米試煮磨菇飯.

香煎三文魚西班牙磨菇飯

平時用皇后煲焗魚雖然方便, 但係冇鑊氣, 今日真正開火香煎, 原來只要鑊夠熱, 魚夠乾, 煎出來效便會很好. 我都好耐冇試過咁成功. 飯香魚香, 之後加無核青提和正中西冷紅茶加寧檬.

至於自己煮會否平D, 其實並吾一定.  看看今日的消費.
三文魚: $23.1
磨菇: $7.4
西班牙飯: 約$6.5 (按比例)
冇核青提1磅: $15.3
寧檬: $1 (按比例)
西冷紅茶: $0 (人家送的)
TOTAL: $53.3

雖然吾算平, 但相比餐廳的全餐, 價錢吾算貴, 而且健康, 但係食完要自己洗碗碟.